القراءة هي غذاء العقل والروح
السيرة الذاتية لإيناس شوق زبيدات
السيرة الذاتية لإيناس شوق زبيدات
انا ايناس شوق زبيدات ، عمري 48 سنة ، مُنفصلة منذ عدة سنين ، وأم لولد وبنت
حاصله على شهادة تمريض جزئية , شهادة معالجة لجيل كبير ، وشهادة تهريج طبي.
اعمل في مستشفى رامبام في مدينة حيفا كمُساعدة وكمسؤولة عن فريق الرعاية (כח עזר).
عن موهبتها في الكتابة:
"بلش شغف الكتابة من وانا بالمدرسة ، أكتب كلمات بسيطة تعبر عن مشاعري خلال اليوم ، وأكثر الشغلات الي كنت أكتبها عن وطني فلسطين ، ولا مره فكرت أنو في جواتي شخص موهوب بالكتابة ، لحد ما شوي شوي كل اشي صار يصير معي صرت اكتبو ، فرح ، حزن ، موقف مُحرج ، كلشي كنت اوثقو بالكتابة ، واكتشفت اني بغدر اخلي العالم يشوف شو بكتب كمان ، زمان مكنش عنا تلفونات ننشر عليها ، صرت اكتب خواطر وابعت للجرايد ، والجرايد ينشرو".
القراءة هي غذاء العقل والروح:
"رسالتي للمجتمع، القراءة هي غذاء العقل والروح ، محاولات تثقيف نفسنا هي محاولة كثير رائعة ، القراءة كفيلة تغير حياة الشخص وتفكيرو بشكل كثير كبير ، كل جملة منقرأها ومنتثقف منها مُمكن تغير مُجتمع ، الكتابة والقراءة كانو كفيلات يخلوني الأم المثاليه بعيون ولادي ، غيرو تفكيري بشكل كبير ، عرفت اغدر اتعامل مع ولادي ، مع مشاكلي ، مع كل الوقعات والانكسارات كنت الجئ للكتابة والقراءة ومن هناك كنت اخد كل الامل والقوة ، اليوم انا مع كل الصعوبات الي مرقتها هون ، حاضرة بالمجتمع وعم بقدم وبفضل ربنا خلال ثلاث سنين غدرت احصل ع رتبة مسؤولة على فريق الرعاية في مستشفى رامبام في حيفا" .
هاي فايف