الخميس , 28 مارس 2024 - 7:58 مساءً

قلم : المحامية سوار ميشيل سليمان - #حيفا

ستاتوس دمه تقيل! تقرأُوهوش!!

قلم : المحامية سوار ميشيل سليمان - #حيفا

قلم : المحامية سوار ميشيل سليمان - #حيفا

طباعة تكبير الخط تصغير الخط

ستاتوس دمه تقيل! تقرأُوهوش!!
__
بقلم : المحامية سوار ميشيل سليمان - #حيفا

الحرب بلشت مش بأكرانيا الحرب بلشت من يوم ما صرنا كلنا جنود بلعبة الشطرنج اللي دايرة على الأرض كلها وفش شعب او مجموعة محمية منها.. 
وكلنا مُسْتَهدَفين وكلنا غرقانين بالعسل!! 

*الحرب بلشت من يوم ما صار الإنسان هو البضاعة وهو المنتوج وجسمة المُستَهْدَف وجسمه حقل تجارب ومصدر لكسب المال ولدعم التجارات على أنواعها وحسب الموضة يوم بنفخونا ويوم بِنَفْسُونا متل اللُّعَب..
*الحرب بلشت من يوم ما معايير الجمال صارت موضة وصار ترند وصار يتغير مع تغير الفصول..
*الحرب بلشت من يوم ما صارت مواقع التواصل الاجتماعي متل اللي فايت على مواقع إباحية وافلام عنف!!! صارت اجسامنا ووجوهنا كلها مخدات وقراني الحمدلله والمنخار منقار عصفور وصرنا نلمع لمع متل الشمع.. ويا ريت وقفت على هيك! كل شوي بعكسوا الموضة دور بدنا ننفخ ودور بدنا نشفط ! يعني ألعاب العادي بلا قيمة والصحة بلاها!! 

*يا ماحلى الفيسبوك قدام الإنستغرام والتيكتوك ، بعده محترم وبعد فيه تواصل طبيعي مقارنةً بمواقع التواصل /العهر الاجتماعي العالمية التانية اللي كل طفل صارت مُبَاحة قدام عيونه الصور والفيديوهات المقززة وأديش بدها الأهالي تشفِّر لتشفِّر !؟ حكي فاضي
*الحرب بلشت من يوم ما صار الإنسان شيء وغرض وسلعة وبضاعة وبَطَّل روح صار شوية لحم ودم بنقص وبتلزق وبتعبى شمع وبَطَّل إلُه قيمة..
*ومن يوم ما السينما صارت كلها طخ ودم وصارت الرجولة حسب الافلام عنوانها العنف .. 
*ومن يوم ما العاب الاولاد صارت فورتنايت وبابجي وعنف..
ومن يوم ما الانستغرام والتيكتوك صار يعرض لكل طفلة معايير الجمال المريضة وصارت بدها تصير تشبههن وتقلد رقصات العهر اللي لايڤ على التلفزيون بكل الساعات
**لما عصارة الزبالة البشرية عمتنشهر وبتصير قدوة للناس والشباب والصبايا وبتصير تغسل اسنانها بدوا اسنان من الذهب شو بدنا نتوقع تكون النتائج؟!

فعلى شو عم تبكوا؟؟!! على بلد أعلنوا عليها الحرب بالأسلحة؟؟!! *الحرب النفسية العقلية وغسيل الدماغ وقتل الروح اخطر بكتير واحنا بقلب قلبها لهالحرب واحنا ببيوتنا؟! 
*مهو من زمان صار الإنسان سلعة وبلعبوا فيه متل جنود الشطرنج وكل يوم الدور على حدا.. 
*العالم كله لعبة شطرنج فش فيها لا مشاعر ولا أحاسيس 
صار الروبوت فيها أغلى من الإنسان!
*طول ما الانسان عمبلحق المادة، المصاري، المظهر، المظاهر وسباق المجانين بالشكل والجمال والجسم والمصاري والبيوت والسيارات ومين اولاده اشطر والغنى والإيچو راح نضيع.. 

على شو عمتركضوا يا بشر متل المهابيل؟؟!! وقفوا هالمساخر هاي كلها!!..
ما أهبلنا!

**حلو التطور حلو الإزدهار حلو الجمال حلو حل المشاكل حلو التقدم الطبي والصناعي والعالمي وحلو لما بتكون عنا الامكانية نعمل الشغلات ونتطور وتحقق احلامنا ومش لما بتنفرض علينا فرض كموضة وبتصير هي القانون وبدونها ما بنفعش وبدونها منصير مش نافعين.. وهاد الفرق بين التطور المجتمعي الجماعي الصحيح الصحي وبين الإنتحار  المجتمعي الجماعي ...

ليست الحرب حرب أسلحة بل حرب على العقول ..
*من زمان إحنا مش عالأرض إحنا فتنا رسمياً على جهنم !  
**"ماذا ينفع الإنسان لو ربح العالم كله وخسر نفسه؟؟!!"
**"مملكتي ليست من هذا العالم"
*يا رب للسلام نصلي، للأمان نصلي، لقيمة الإنسان وحياته وروحه نصلي 
*استجب يا رب لصلواتنا واحمي العالم واحمي الانسان من نفسه ومن أخيه الإنسان/الوحش! نصلي للسلام في أكرانيا..

**بس لشو الحكي؟ الحياة حلوة وكله براسنا 
تزعلوش 
ويوم ما بتنضغط من جنون الحياة غمض عيونك وقول : "طز  بهاي الروبوتات التافهة اللي بلا روح وبكل المظاهر الكذابة، هاي المسرحيات بتقطعش فينا، أنا اللي بقرر بحياتي وفش ولا اشي مهم اكتر من صحتي النفسية انا واللي حوالي وبالنسبة لشياطين العالم البشرية ربك يسطفل فيهن!"

×