هاد الانفجار الي لازم يصير

من ست اشهر وانا مفكرة انه العالم عايش بحلم بكابوس مش قادرة اصدقه بتعرفوا كيف الواحد بكون باول نومته بحلم بفيق مذعور ومش عارف هل الي شافه حلم او علم هذا الي عم بعيشه صرلني مدة

وكل يوم الصبح بتمنى انه يكون حلم ونصحى ونرجع للحياة الطبيعية العادية لكن بكتشف انه مش حلم واقع واقع صعب واقع غريب واقع مش مألوف ولكنه واقع

توقعت من هالواقع انه يصير في نهضة نوعية بمجتمعنا بحياتنا نهضة على كل الاصعدة

التفكير التعامل العيش الاجتماعيات

نهضة بتودينا لحياة افضل لنمط حياة احلى لطريقة حياة ايجابية اكثر

لمحبة اكبر لتعاون اكثر لتقبل الاخر المختلف بصورة اجمل

توقعت انه يصير في خبطة خضة ولكن خبطة حلوة خضة جميلة بمعنى انه نستفيد من هالواقع الغير مألوف الي عايشينه وننطلق نحو حياة بتبشر بالتغير الجميل الي كلنا منحلم في الي كلنا بدنا اياه بس التغير هو شي فيو تنازلات وكبرياءنا وانانيتنا والايجو تبعنا

كل هدول مش سامحيلنا انه نعمل هدا التغيير المنشود

هي القصة بسيطة ومعقدة بنفس الوقت سهلة وصعبة بنفس الوقت

مش مطلوب منا كتير وبنفس الوقت المطلوب مفعوله كبير وعظيم المطلوب زيادة عيار المحبة بقلوبنا

والمحبة العامة الكبيرة مس محبتي لجوزي ولمرتي ولابني ولبنتي ولصاحبتي ولجارتي

عم بحكي عن محبة شمولية اكثر واذا بدناش نسميها محبة تعالوا نسميها تقبل احترام

يعني اذا انا مختلفة عنك باي شي دين عرق فكر سياسي توجه جنسي اقبلني حبني متل ما انا

بلاش تجريح وانتقاد لاذع

هاد الانفجار الي لازم يصير

انفجار لحياة افضل انفجار للافكار الي بتقتل اخوي الانسان انفجار لكل العادات البالية